БЕЛАРУСКАЯ ПАЛІЧКА

Сяргей Давідовіч

Не веру ў выпадковасць

Рэальнасці суровасць

Змагацца прымушае.

Не веру ў выпадковасць,

Што лёсы пагаршае.

 

Заўчасна паміраем,

Пакутуем і плачам.

Мы самі лёс ствараем

Такі, што век батрачым.

 

Вось і жывём мы зрэбна,

На шыі з абцугамі.

А працаваць патрэбна,

Апрача рук — мазгамі.

1980-1990

---

Тэкст падаецца паводле выдання: Давідовіч, С.Ф. Збор твораў. У 5 т. Т. 1. Вершы. Гумарэскі / Сяргей Давідовіч. - Мінск: Беларускі рэспубліканскі літаратурны фонд, 2016. - 688 с.