Каханне — свет і Божы, і бязбожны,
Каханне — свет спакусаў і грахоў.
У гэты свет хоць раз прыходзіць кожны,
Прыходзіць — і няма назад шляхоў.
Каханнем хтосьці да нябёс узнесены
Ці зрынуты у бездань для пакут.
Каханнем неўзаемным лёс закрэслены,
Ўзаемнае каханне дорыць цуд.
Мы без кахання выглядаем кволымі,
І волатамі — пры спатканні з ім.
Каханне — нестухаючае полымя
І небяспечнае,
А мы ў яго ляцім.