«Новыя беларусы» —
нешта небеларускае:
Сала не любяць з цыбуляй —
iм падавай крэветкi,
Бульбу ў лушпiнах не вараць —
«мыла» ядуць — бананы.
Каню пад хвост не глядзелi —
затое на «мерсах» гойсаюць.
За «дзякуй» не дапамогуць —
крый Бог,— за долар задушацца...
Добра ўсё гэта, сучасна.
Ешце крэветкi з бананамi,
За працу бярыце грошы,
фарсiце ў шыкоўных машынах.
Але... назавiце мне зараз
вашу Радзiму адзiную...
Цiха... Не чую адказу.
Скажыце тады, калi ласка,
Хоць слова па-беларуску...
Зноў не пачуў я нi гуку...
«Новыя беларусы», дзе беларускасць ваша?