Складанасці былі ва ўсе часы,
Спраўляліся спрадвек з любой задачай
Дзве процілегласці, два палюсы —
Ці «за», ці «супраць» — і ніяк іначай.
Ды той, каму на ісціну пляваць,
Каб ад сумлення (калі ёсць) схавацца,
Прыдумаў, як свой «гонар» ратаваць,
Рашыў — ні «так», ні «не», а — устрымацца.
О, не дай, Божа, устрымацца ўсім!
Прамых шляхоў не будзе і ў паміне,
І крывадушша шматслаёвы грым
Пакрые ўсё — і ісціна загіне.