Сучаснасці падзеі, факты:
Патоп, пажар, бяда, адчай,
Разбоі, грабяжы, тэракты —
Хоць тэлевізар не ўключай.
Штодзённа бачана і чута
Ад году ў год адно і то ж.
Інфармацыйная атрута
Для псіхікі, як востры нож.
І віртуальнасць у рэальнасць
Увасабляецца між нас.
І жорсткую маніякальнасць
Няўмольна набывае час.
І негатыўныя флюіды
Для нас страшней рэальных куль.
Адсюль — гвалтоўнасць, суіцыды...
А будзе дабрыня адкуль?