Прысуд пасля сямідзяці пяці,
Як нож у грудзі —
Не будзе болей радасці ў жыцці,
Не будзе.
І гэта ні слюнцяйства, ні хандра,
А сэрца рана.
Такая ўжо прыйшла жыцця пара
Неспадзявана.
Згубіў спакой і не магу знайсці,
І не знайду я.
І справа не ў сямідзяці пяці —
Узрост святкуе.
А вось душа і сэрца — напавал
І думкі — ў сечку.
Бязлітасных падзей — дзевяты вал...
Запальвай свечку.
Я аптыміст па духу, без «ура!»,
Удар трымаю.
Такая ўжо прыйшла жыцця пара,
Пара адчаю.
22.VIII.2017