БЕЛАРУСКАЯ ПАЛІЧКА

Сяргей Давідовіч

Паслухайце сэрца

На крылах трывогі,

Па ветры пакутаў

Нясе мяне лёс.

 

Душой — у паветры,

У марах — без путаў,

А сэрцам да болю прырос.

 

Гады за плячыма

Не скарб, а атрутнасць,

Памылкі мінулых вякоў.

 

Паслухайце сэрца,

Зірніце у сутнасць,

Чытайце глыбей — між радкоў.

1990-2000

---

Тэкст падаецца паводле выдання: Давідовіч, С.Ф. Збор твораў. У 5 т. Т. 1. Вершы. Гумарэскі / Сяргей Давідовіч. - Мінск: Беларускі рэспубліканскі літаратурны фонд, 2016. - 688 с.