Шальмоўства, бізнес дзейнічаюць жыва,
Вышукваецца кожным свой Кландайк.
А для пасрэдніцтва — свая нажыва:
Купі-перакупі, перапрадай.
О колькі прыжывалаў у дзяржаве,
Яны вакол, як кажуць, на вачах.
Патрэбен-непатрэбен, ты пры справе,
Ты спраўна пры грашах і пры харчах.
Пакінем гэты свет нажывы шэры...
А тут не зразумела, чорт вазьмі:
Навошта ў чысціні Святое Веры
Пасрэднікі між Богам і людзьмі?