Мой пяты том, ён не зусім звычайны
Для аўтарства ссівелага майго.
У ім — прыгоды, казачныя тайны
І безліч незвычайнага ўсяго.
Ў ім — птушак свет,
Свет рыб, звяроў, раслінаў,
Ўсе зносяцца на мове дабрыні.
Спаткаўшы старасць, аўтар не здзяцінеў —
Мне казкі не хапае ў кожным дні.
Вось так і нарадзіўся том мой пяты,
Між іншых, ён мне вельмі дарагі.
Маленства наша ў казках,
Казкі — святы,
Яны ратуюць нас у час тугі.