Першага верасня!
Ў школку, сынок!
Ты ж не спазніся на першы урок.
Слухай уважліва кожнае слова,
Станеш разумненькім абавязкова...
Тое далёкае — першага верасня...
Сумнае блізкае — дзень мой цяперашні.
Ў горле ўспамінаў няпрошаны ком —
Хто назаве мяне сёння сынком?
Бульбінку ў торбачку да буквара
Хто пакладзе мне альбо сухара?
Дапамагалі углыбіцца ў веды,
Паміж урокамі тыя абеды.
Я дажываю ўжо восьмы дзесятак,
Ды не забыўся вучобы пачатак —
Першага верасня,
Першы мой крок
Ў школку...
А хутка апошні урок.