Ой складана без каханай
Аднаму нязменна.
Ой не проста скокнуць з моста —
Рэчка па калена.
Я улетку на суседку
Праз акно дзіўлюся.
А пры сведках да суседкі
Падыйсці баюся.
Колькі можна так бязбожна
Ставіцца да шлюбу?
Ў хаце больш няма багацця
За жонку-галубу.
Еду ўсваты нежанаты
Блізка, праз дарогу.
Мо суседка жонкай-кветкай
Будзе, дзякуй Богу.
На вяселлі пры пахмеллі
Усёй вёскай скокнем.
Полечку і кракавяка
З форсам, аж узмокнем.