Жыццё пражыць —
Не поле перайсці...
А раптам поле міннае?
На іншых, кажуць,
Бочку не каці.
А калі бочка вінная?
Брыдоціну
За жонку не бяры,
Хоць лепшы
Сябар сватае.
Але ж яна багатая!
Я чуў, што ў Рым
Вядуць дарогі —
Ўсе!
Адна — налева,
Клятая.
Запазухаю камень
Не насі.
А калі гэта
Філасофскі камень?
Ну, кажуць, і язык,
Што памяло,
А ў хаце не падмецена...
Яшчэ адна прыкмеціна —
Мы ведаем даўно,
Што грошы зло.
Няма ў нас іх,
А мы чамусьці злосныя?
Мо дні ўсе высакосныя?