А дзе тая сцежачка,
Юнацкія дзянькі?
А дзе тая дзежачка
Й салёныя рыжкі?
А юнацтва мелася,
Ды пара прайшла.
А рыжочкі з’еліся,
Сцяжынка зарасла.
А дзе тая дзеўчына,
А дзе хлопец той?
Ён у фрэнч выстрэнчаны,
Дзеўка пад фатой.
Эх, рыжкі — вясельная
Закусь, лепш няма.
Эх, жыццё сямейнае —
Шчасце задарма.
Ўсё з тае сцяжыначкі
Пачалося ў іх.
Зоркі-залаціначкі
Ў небе мірг ды мірг.
На пытанні простыя
Просты і адказ.
Прыпеўкі дзівосныя
Будуць і пра нас.