Суботні вечар,
Як жыцця разынка —
Была заўсёды
Ў вёсках вечарынка.
Ліліся з вокнаў спевы,
Як вадзічка,
Альбо прыпевак-жартаў
Пераклічка.
хлопцы
Дзяўчатачкі,
Сыраежачкі,
Засалілі б мы вас,
Ды няма дзежачкі.
дзяўчаты
Ой, хлопцы вы,
Усе фарсістыя,
Затое мы
Ўсе галасістыя.
хлопцы
Спяваць вы ўсе
Спраўна ўмееце.
А што ж вы так
За намі млееце?
дзяўчаты
У будучым
Мы вашы жоначкі,
Без нас вы, як
Без самагоначкі.
хлопцы
Прыміце ўсё ж
Прызнанне шчырае —
Без вас было б
Жыццё нямілае.
дзяўчаты
Ні танчылі б,
Ні пелі б мы,
І мы без вас
Не расквітнелі бы...
Я гэта чуў не раз,
Бо быў музыкам,
І спевамі была душа сагрэта.
Такое не пачуці
І ў Вялікім
Тэатры нашым
Оперы й балета.