Пара мая загульная-разгульная,
Ты знікла, назаўсёды развіталася,
А вёсачка утульная-прытульная,
Заўжды мяне чакала-прычакалася.
Ах, як жа шмат тут зменена-разменена,
Матуля вёска, мілая-пахілая.
Ацэнена ты мной, пераацэнена,
Гаротная, як птушка аднакрылая.
О вёсачка мая, мой кут намолены,
Табе сваім жыццём я абавязаны.
Адноўлены твой лёс і абяскроўлены —
І мой такі, бо ён з табою звязаны.