Чаму хвалюеш ты, пупышка,
На тоненькай галiнцы,
Як непрачытаная кнiжка,
Як сонейка ў iльдзiнцы?
О свет пупышкi, дзiва поўны,
Прыдуманы прыродай!
Прачнецца гэты свет чароўны
Лiсточкам, кветкай, плодам.
О свет маленькi, таямнiчы —
Загадка, кропля-казка!
Вясеннi ранак маляўнiчы
Пад гэтай сцiплай маскай!
Не хвалявацца немагчыма
Ля кропелькi прыроды.
Ты, як цяжарная жанчына,
Што беражэ зародак.