Якое найскладанае пытанне?
Складана на якое даць адказ.
Напрыклад:
Што ўкладаем мы ў каханне?
І што ў адказ яно ўкладае ў нас?
Што для жыцця жыццё
без жыццямэты?
І што за мэта без агню жыцця?
Якія нераскрытыя сакрэты
Ў адказах без сакрэту раскрыцця?
Ў пытаннях гэтых шмат і правакацый,
Прысутнічае тут і штучны цэнз —
Абаранілі мноства дысертацый,
Выкручваючы ў словах стыль і сэнс.
Пытанняў шмат задаў
і стала сумна,
Ды плюньце вы на вопыты мае.
Пытанні трэба задаваць разумна,
Каб разумеў і той, хто задае.