Радавое памесце —
Мой палац успамiнаў.
На святым гэтым месцы
Сэрца колiсь пакiнуў.
Сум — маёнтак мой кроўны,
А над iм развысока
Дах узнёсся шыкоўны —
Дах з нябёс i аблокаў.
Туманы над лугамi —
Нiбы ветразь парчовы,
Дываны пад нагамi —
Пах атавы шаўковай.
Бор — мой сад ля палаца,
Мой квятнiк — краскi ў полi.
Хiба мог я расстацца
З гэтым скарбам? Нiколi!
Я магу вас прывесцi
Да калыскi адзiнай...
Радавое памесце —
Боль маiх успамiнаў.