Ты толькі нарадзіўся, карапуз,
І ты пакуль — у яслях, немаўлятка,
Таму нічога у цябе, Ісус,
Прасіць не буду — ты ж яшчэ дзіцятка.
Хай зоркі новай дзіўнае святло
Убачаць і старыя, і малыя,
Каб зразумела кожнаму было —
З’явіўся ў свет збавіцель наш — Месія.
Расці здаровым, немаўля, мацней,
Ў складаны свет адчыненыя дзверы.
І шмат ад нас ты прымеш, ад людзей,
Няўдзячнасці, адступніцтва ад Веры.
Ты нас заклічаш ад пустых уцех,
Ты скажаш: — Сіла ў Веры, не ў спакусе!
Ты возьмеш на сябе наш боль і грэх,
Ты будзеш вечнай святасцю, Ісусе!
Ўсё будзе — ад усіх і адусюль,
Й табе не абмінуць нядолі горкай.
З раством цябе віншуем, а пакуль
У шчасці будзь пад Віфлеемскай зоркай!
7.01.2017.
Раство Хрыстова