Удар у грудзі,
У спіну,
І па душы не выпадкова.
З бакоў удары не міну —
І ўсё спачатку,
Ўсё нанова.
Не раз паказваў лёс ашчэр,
І ўсё-ткі у жыцці складаным,
Я зразумеў толькі цяпер,
Што значыць быць
У кут загнаным.
Затужваецца бед сіло,
І ўсё ж напрыканцы дарогі,
Як бы складана не было,
Усім абставінам назло,
Ручнік не кіну я пад ногі1.
1 У боксе кідаюць ручнік на рынг, калі датэрмінова прайграюць, здаюцца.