Салісты — рэдкасць, не натоўп яны...
І родзіць хлеб, быльнёгам незагушчаны,
І жолуд прарасце, зямлёй разлушчаны —
Для творчасці «шарашкі» — кайданы.
Прыгнёт, ідыялогія — пятля
На вольнай думцы, творчасцю акрыленай.
О не дай, Бог, мазгі з нятворчай звілінай
На караблі духоўным, ля руля.
Пад змрокам інквізіцыі — вякі
І таленты — не ўратаваў і Божа іх.
Магільны крыж на творах ненароджаных —
Уладаў шоры, «тройкі», Салаўкі.