Пушок-дружок — сабачка незабыўны,
Мірок-каток — бы Кіплінга герой,
Які вы свет вакол стваралі дзіўны!
Як упрыгожвалі жыцця настрой!
Ваш лёс — з недаўгавечнасцю, з няўдачай —
Тым незабыўней вы і тым ярчэй.
Няма другой такой душы сабачай
Й Мірка душы, адданасці вачэй.
Мой сталы век — даўно не блазнюкоўства,
З пяшчотнай, ля апошняга званка,
Адчуў душой сапраўднае сяброўства
Праз двух маіх сяброў — Пушка й Мірка.