БЕЛАРУСКАЯ ПАЛІЧКА

Сяргей Давідовіч

Сімфонія агню

Зара над лесам,

нібы конь крылаты,

З агністай грывай,

яркай, як агмень.

Ці вечар так

да ночы едзе ў сваты?

Ці так пампезна

дагарае дзень?

 

Хінуць абшары

да грудзей пашанна

Ружовую прадночча цішыню.

І слухае зямля зачаравана

Сімфонію нябеснага агню.

---

Тэкст падаецца паводле выдання: Давідовіч, С.Ф. Збор твораў. Т. 10. Вершы. Паэмы / Сяргей Давідовіч. - Мінск: А.М. Вараксін, 2018. - 432 с.