Для кожнага творца
даўно не сакрэт —
Задуманы вынік
вянчае работу.
Каб значнае штосьці
пабачыла свет,
Спрадвеку працуюць
да сёмага поту.
Я сэрцам збалелым,
я лёсам пішу
Аб часе, аб свеце,
аб шчасці, аб горы.
Я ў сёмы свой том
укладаю душу
Да кроплі, як і
ў папярэднія творы.
Свядома
Адвечным натхненнем заву
Ўлюбёную ў творчасць
душу-парадзіху.
Адказна,
Да сёмага поту жыву,
І буду пісаць
да апошняга ўздыху.