— Абноўку я купіў!
— Няўжо?
Сусед суседу хваліцца.
— Купіў двухствольнае ружжо!
— Ды хай яно праваліцца!
— Чаму? — спытаў сусед-хвалько,—
Няўжо ты тым усцешаны,
Што мазаць буду «ў малако»,
Дзічыне на пацешыну?
Ды не! Хутчэй наадварот,
Ружжо — бяда двухствольная.
Рыдлёўка, кажуць, раз на год
І тая стрэліць здольная...
Цяпер хвалько шыбуе ў лес
На паляванне раніцай,
З рыдлёўкаю наперавес,
З ёй шанцаў менш параніцца.