Аб чым пісаць?..
Святая справа!
Мы свой па-свойму век зжылі.
Пісаць — каб вам было цікава,
Нам — не саромецца ў зямлі.
У нас трава і сонца тыя ж,
І ў вас, хутчэй за усё — яны.
У нас — слязьмі душу памыеш,
А вам што непакоіць сны?
Мы зробім вам наўрад адкрыцці,
Вы больш разумныя за нас.
Галоўнае — каб нашы жыцці
Граблямі спраў былі для вас.
О, мы далёка не анёлы,
І ў нас нячысцік святкаваў.
Кароль між нашых лёсаў голы
Пампезна прашпацыраваў.
Духоўных намаганняў праца
Узносіла наш час і нас
І прагнасць беларусам звацца —
Як наша спадчына для вас.