Стацыянарна вучымся, надомна,
Прымаем з асалодай творчай мукі.
Ўсё чалавецтва цягнецца нястомна
Да розных ведаў, да святла навукі.
І адступаюць непісьменства цені,
Бо ўсе мы прыкладаем намаганні —
Ступіць на навуковыя ступені
І дарасці да навуковых званняў.
Навука жыць, па ёй ідзем мы краем,
Галоўная для ўсіх нас небяспека —
Мы ўсё мяркуем, цяжка спасцігаем,
Як палюбіць жывога чалавека.