Спаткацца з неспатканым —
во цікава!
І што яно падорыць?
Радасць?
Шок?
Спаткацца з неспатканым —
сёння з’ява,
Магчыма — у нязведанае крок.
Здаецца, лёс падараваў спатканні
З усім, што можна напаткаць —
праз край.
Я сустракаў і здраду,
і каханне,
Падзенні, ўзлёты, і расчараванні,
Сяброўства, страты,
боль душы, адчай.
Жыццё на шмат чаго адкрыла вочы,
На таямніцы многія свае
Насустрач новым я
сустрэчам крочу,
Вось толькі б не спаткаць
пакуль ЯЕ.