Адкіну сціпласць...
Хацеў я спадабацца
Дзяўчатам — знешнасцю,
надзейнасцю — сябрам.
Каб быць сваім —
бывала, пасля працы
То з тым, то з сім
закідваў па сто грам.
Што тут благога?
Прыемна быць прыемным,
У калектыве,
які завём сям’ёй.
Ў сістэме —
Можна жыць і безсістэмным,
Галоўнае —
Каб быць карысным ёй.
І чытачу
Я спадабацца рады,
Й калегу,
Хто ў спіну нярэдка б’е.
Душа згарэць гатова без ашчады,
Каб толькі полымя
заўважылі яе.