Ці ёсць хто ў свеце
Непадсудны з нас?
Ха-ха!
Якое смешнае пытанне.
Мы ўсе!
Усе судзімыя, й не раз,
Жыццё не толькі свята —
Й пакаранне.
Вялікі дар
Падараваны нам,
І небяспечны падарунак —
Слова!
Мы на жыцця анкету
Столькі плям
Набрудзілі —
Няхай і выпадкова.
Спачатку было слова —
Гэта так.
Адораны з нас кожны
Гэтым цудам.
Ды так
Мы карыстацца сталі ім,
Вялікім цудам (не сваім)
Сваім.
Што слова стала
Нашым самасудам.
Ёсць словы —
Труцяць лёсы, нібы чад,
Ёсць брудныя,
Як па зубах ануча.
Страшней любых учынкаў
Словы — яд,
Бязлітасна нас раняць
І балюча.
Спрадвек уласны
Нашых слоў запас,
Павага да яго
Ці непавага,
На суд публічны
Выстаўляюць нас —
І нашы суддзі —
Самі,
Людзі,
Час.