Калі званка чакаеш тэлефоннага,
А тэлефон маўчыць і дзень, і месяц,
Не ведаеш,
як выйсці «з царства соннага»,
І тэлефон маўчаннем словы крэсліць.
І цішыня назойлівая, гулкая,
І паўза тэлефонная такая,
Няхай агорне нас
Здагадкай-думкаю:
Магчыма хтось ад нас
званка чакае.
З сустрэчамі бывае штось падобнае —
Наскучыць аднаму
сядзець за печчу,
Надыдзе паласа бязлюддзя цёмная,
Святлу сустрэч ідзіце на сустрэчу.