— Трымайся за неба,
мая дарагая —
Наспела патрэба,
Бо сёння стаіць
паміж намі другая —
Трымайся за неба!
— І ты, даражэнькі,
за свет гэты Божы
Трымайся зубамі,
Бо сёння другі,
за цябе больш прыгожы,
Стаіць паміж намі.
О-ё-ей! Не тое мы сказалі!
А-я-яй! Мы ж пажартавалі!
— Я ж хацеў так яе праверыць,
— У мой жарт лепш яму не верыць.
— Ды што ты? Хоць заўтра,
мая дарагая,
Чакай мяне ў сваты.
Няхай лепей згода
між нас пралягае
Ад хаты да хаты.
— Няхай, дарагі мой,
два сэрцы яднае,
Дзве песні, два лёсы,
Святая дарога кахання, якая
Квітнее, як вёсны.
— Любая!
Я цябе кахаю!
— Любы мой! —
Сэрцам успрымаю!
Вось яно, сэрцаў святкаванне!
Вось яно, вечнае каханне!