БЕЛАРУСКАЯ ПАЛІЧКА

Сяргей Давідовіч

Ты — самая-самая

Ты — самая-самая,

Ты — лёсам абраная.

Жанчына — душа мая,

Жанчына каханая.

 

Ты — казачна-зграбная,

Душэўна-прыветная,

Чароўна-прывабная,

Ты — сонечна-светлая.

 

Жыццё без цябе, як сон.

Я жыў, як зашораны.

Я шчасцем дзівосных дзён,

Я Богам адораны.

---

Тэкст падаецца паводле выдання: Давідовіч, С.Ф. Збор твораў. Т. 7. Вершы. Паэмы. Апавяданні. Казкі / Сяргей Давідовіч. - Мінск: А.М. Вараксін, 2017. - 408 с.