На сценах, у хаце маёй,
Ні Рэпін, ні Хруцкі, ні Водкін,
А ў рамах адзінай сям’ёй —
Суседзі, знаёмыя, продкі.
Я чхаў на сучасны кураж.
Дзе купля, (не продаж) — прадажа.
Далёка табе, Эрмітаж,
Да хаткі маёй — вернісажа.
Тут лёсаў працяг — не паказ,
Тут час адраджаўся шматкратна.
Заходзьце, сустрэнуць тут вас
Найшчыра, прыветна, бясплатна.
Як сведкі часоў пасівелых,
Мінулых падзей аднагодкі —
Глядзяць з фатакартак зжаўцелых
Суседзі. Знаёмыя. Продкі.