Што пабольшылi мы на зямлi?
Што забралi ў яе назаўсёды?
Кiм мы будзем, i ёсць, i былi?
Хто мы — ветразi цi перашкоды?
Што пабольшылi?..
О-о! Не злiчыць
Брудных плям i бяздумнай дурноты —
Асяроддзе ў пакутах крычыць,
Стогнуць нетры ад нашай «пяшчоты».
Што забралi?..
Ачнемся пасля —
Пакаранне-расплата чакае.
З году ў год сiрацее зямля,
Кожны год нехта, нешта знiкае.
Хто мы ёсць?..
Будзем кiм праз гады?..
Сёння круцяць вiры нашу лодку,
Заўтра мы — за глыточак вады,
За скарыначку — ікламі ў глотку.