Як супярэчыць Бог —
Ён ажывіў твой лёс.
Тады,
Калі жыццё з цябе збягала.
Душою ты ўскрыяў,
І ты у шчасці рос,
І ты ажыў,
Пражыўшы вельмі мала.
Чамусьці ад цябе
Бог адвярнуўся ў бок,
Хаця душа твая —
Чысцей самоты.
Ты — сонейка душы —
Пражыў адзін гадок,
Ўсяго гадок
Сардэчнасці, пяшчоты.
І вось ты — у зямлі.
Дарую табе, Бог,
А калі шчыра мовіць —
Не дарую.
Ён крылцы разгарнуў,
Ён жыць і жыць бы мог...
Ён ува мне жыве —
Я сэрцам чую.
Хоць ты над намі, Бог,
Васі́лькі выстыў след,
А ён жыццё
Сабою упрыгожваў.
Такой душы няма
На ўвесь твой Божы свет —
Ці ты аслеп?
Аглух?
Ці абязбожыў?
Вядома мне, на жаль,
Па кім жалобны звон,
Ён дорыць Васількý
Жалобу тую.
Чым больш у свеце іх,
Пакрыўджаных, як ён,
Тым меней, Бог,
Цябе ў сабе я чую.
4 жніўня 2019 г.
Загінуў Васілёк