Дарэмна вы адклалі кнігу ў бок,
Адклалі й па старонках падарожжа.
А ў кожнай кніжцы знойдзецца урок,
Які ў жыцці, магчыма, дапаможа.
Ці знойдзеце больш шчырае рукі?
Ці будзе болей шчыры суразмоўца,
Чым пісаныя ад душы радкі
Ці між радкоў затоенае слоўца?
Вярніцеся, вазьміце кнігу зноў,
У ёй пачуццяў, гукаў, пахаў — гама.
Не толькі ў ёй да бліжняга любоў,
А да ўсяго і ўсіх й да вас таксама.