Мінулае й сучаснасць можна
Ацэньваць: што каму мілей
Жывецца сёння нам заможна,
Жылося бедна нам даўней.
Штодзённая цяжкая ноша —
Пасляваенны горкі час.
Бо бульбіна была раскошай,
А хлеб наведваў рэдка нас.
А сёння хлеба шмат і сала,
Прысмакі розныя — штодня.
Ды толькі шчырасці замала,
Ды штось знікае дабрыня.
Ды жорсткасці — не размінуцца,
Ды грошы — душ уладары.
І як цяпер не прыхінуцца
Душой да шчырай той пары?
Пасляваенны час гаротны
Па-свойму сфарміроўваў нас.
Эх, мне б вярнуцца ў той галодны,
Той халодны, родны час.