БЕЛАРУСКАЯ ПАЛІЧКА

Сяргей Давідовіч

Вечны рухавік

Прачнецца, веру,

вецер махі думак,

І ажыву душой я,

Ажыву!

І стане ветразем

адчаю клунак,

І зноў я супраць

плыні паплыву.

 

Асвеціць, як маяк,

мой шлях надзея,

Акрыліць вера —

вечны рухавік.

І дабрыня людзей

мяне сагрэе,

І будзе пераможным

Кожны міг.

---

Тэкст падаецца паводле выдання: Давідовіч, С.Ф. Збор твораў. Т. 7. Вершы. Паэмы. Апавяданні. Казкі / Сяргей Давідовіч. - Мінск: А.М. Вараксін, 2017. - 408 с.