Фрактуе восень жнівеньскую мітру,
Пакуль што сціпла
лету патрафляе.
І ўсё ж у вераснёвую палітру
І жоўты колер
пакрысе трапляе.
Пакуль буяе лес —
яшчэ не хутка
Апалы ліст пад ногі сумна ляжа,
А верасень бывае —
ходзіць чутка —
І жніўню наўздагон
свой форс пакажа.
Хоць верасень балюе правамочна,
Цішэюць і радзеюць
птушак спевы,
І ўсё часцей,
а з часам — відавочна,
Садзіцца восень
адпачыць на дрэвы.