Да майго 75-годдзя
Для сваёй перамогі
не бачу прычын —
Іх аж семдзесят пяць,
пэўна, будзе падмога.
Іх аж...
Пэўна, што будуць яшчэ —
Я адзін,
Я адзін, а іх многа,
значыць іх перамога.
О, я супрацьстаяў,
як я быў маладзей,
Вочы ў вочы глядзеў,
налягаў грудзі ў грудзі.
Не баяўся ні іх,
ні шматлікіх падзей,
Я — ні кроку назад,
перамога мая толькі будзе.
Я не думаў, што поспех
мяне абміне,
Ды яны паступова
хінуць дзень да ночы —
Дагінаюць мяне,
даціскаюць мяне,
Іх аж семдзесят пяць —
я адзін, вочы ў вочы.