БЕЛАРУСКАЯ ПАЛІЧКА

Сяргей Давідовіч

Воля — крылы твае

Як цябе абудзіць, несвядомы народ?

Колькі ж будзеш ты год

Спаць, маўчаць, сцяўшы рот?

 

Годнасць, мову бацькоў,

ты ж пад ногі кладзеш...

Разагніся, зірні —

Ці туды ты ідзеш?

 

Зразумей, усвядом: воля — крылы твае!

Воля — сонца тваё!

Цемра-ноч без яе.

1980-1990

---

Тэкст падаецца паводле выдання: Давідовіч, С.Ф. Збор твораў. У 5 т. Т. 1. Вершы. Гумарэскі / Сяргей Давідовіч. - Мінск: Беларускі рэспубліканскі літаратурны фонд, 2016. - 688 с.