Гучыць так прыгожа, напеўна,
І цёпла, як сонейка яснае —
Настаўніца Вольга Сяргееўна,
Калісьці — мая перша-класная.
Настаўніцу першую, пэўна
Ўсе помняць?
Усе — адназначна!
Таксама я, Вольга Сяргееўна,
Люблю вас і помню удзячна.
Ён з памяці не прападае —
Я й сёння ўспамін той адзначу:
Вы — сонечная, маладая,
Прыгожых такіх я не бачыў.
Іду я па памяці промню,
Жыцця дапіваю ўжо чашу.
І ўсіх аднакласнікаў помню,
Й настаўніцу першую нашу.