У чым у нас найбольшая патрэба?
Чаго нам не хапае?
Працы? Хлеба?
Відовішчаў?
Сяброў?
Грахоў?
Тусовак?
Зямлі уласнай?
За мяжу вандровак?
Чаго ж так не хапае нам?
Чаго?
Апроч таго, што маем,
Аднаго.
Апроч усіх,
Агучаных найменняў,
Галоўнага не маем —
Разумення:
Што будучыні лёд
Пад намі тонкі,
Што мы — не матылькі,
не аднадзёнкі.
«Дабранач» — перад сном,
Як развітанне.
А ранак ці надыдзе?
Вось пытанне...