Быў я вельмі жвавы,
Цяпер — ніжэй атавы.
Вось такія справы...
Ўзяўся я за розум,
Кінуўшы забавы.
Вось такія справы...
Лёс мой неласкавы
Сеў на крайчык лавы.
Вось такія справы...
Жыў я, Божа правы,
Жыў не дзеля славы.
Вось такія справы...
Я б сказаў і болей,
Каб не быў картавы
Вось такія справы...
А калі сур’ёзна —
Жыць мінулым мулка,
Жыць сучасным позна.
Сэрцу ў думках цесна,
Як пісьму ў канверце —
Хутчэй бы памерці...