З чым можна параўнаць
Расчараванне?
Адказ пытаннем
на пытанне: — Ў чым?
Балючае расчараванне
у каханні,
Калі ні слоўмі —
сэрцамі крычым.
Расчараванне ў сябры
больш балюча
І душы раніць,
і бянтэжыць нас,
Калі наш «сябар»
сябраваў выключна
Для дасягнення выгады —
На час.
Калі мінаюць
маладыя вёсны
І зімка не дае
далей ісці,
Балюча!
Ой балюча!
Невыносна!
З гадамі
Расчароўвацца ў жыцці.
Жыццё —
Ці маладому, ці старому
Наставіць процьму
шышак на ілбе.
Галоўны ж боль —
не дай Гасподзь нікому
Самім разачароўвацца ў сабе.
Дык з чым
Расчараванню параўнацца?
Самім з сабою,
як з бядой бядзе.
Жыццё на свеце,
ад свайго зачацця
З расчараваннем
Праз вякі ідзе.