Апошні дзень сыходзячага года...
Што выказаць — падзяку ці праклён?
Усё ў яго актыве — плён і шкода,
І ўсё ж нашкодзіў значна болей ён.
Для нас, жывых, ён год жыцця — і гэта,
Дарунак важкі — дзякуй табе, Бог.
Хто мэты меў, таго крыліла мэта,
Хто — з плеч у печ, што ж, кожны жыў, як мог.
Але ж ёсць рай і пекла, Бог і чэрці,
Ён, лёсу шлях, складаны, не прамы.
Для многіх гэты год стаў годам смерці,
Заўчаснай смерці — памятаем мы.
Наперадзе — начныя пасядзелкі,
Ўсіх з Новым годам! — тост, як нейкі код.
Я вып’ю не шампанскага, гарэлкі,
За мёртвых, за жывых, за лепшы год.
31.XII.2020
21.10