Ў цябе не закахацца
Немагчыма
Жыццёвым ранкам
і на схіле год.
Ты — адкрыццё,
Ты — тайна,
Ты — жанчына,
Ты — мары
Дзіўна-казачнай палёт.
Далёка ты —
й жывецца чорна-бела,
Ты блізка —
і ўсе краскі расцвілі.
Не — без цябе
жыццё бы не збяднела,
Яно бы знікла
назаўжды з зямлі.
Ты над усім
і над уся — царыца,
Нясеш каханне
і жыццё праз час.
І застаецца прад табой схіліцца —
Жыві!
Красуйся!
Зачароўвай нас!