Яна напачатку аднеквала штосьці,
Дэвіз яго:
«Ўбачыў, прыйшоў, перамог!»
Яе абяззбройваў сваёй прыгажосцю,
Ды ўрэшце, усё усталёўвае Бог.
Яна баранілася безабароннасцю,
Уся яе зброя —
чароўны пагляд,
Яна «адступала»,
Здавалася з годнасцю,
І гэта ўжо быў
ледзь прыкметны напад.
Напад быў правераны
І безадказны —
Далей адбывалася ўсё,
нібы сон.
І ён, як лічыў сябе,
рыцар адважны,
Патрапіў да чар
непрыкметна ў палон.