Пры жыцці паэтам лёгка звацца,
З рыфмаў плетучы ажыятаж.
Пасля смерці цяжка ім застацца,
Быў паэт — і знік, як той міраж.
Многія ў Саюз пралазяць лоўка —
Штосьці напісаў і выдаў штось.
Наш Саюз пісьменніцкі — масоўка,
Ёю праміражаны наскрозь.
У Саюзе цесна, літаральна,
Ад заяў і аўтарскіх анкет.
«Пачкамі» ўступаюць штоквартальна —
Кожны — то празаік, то паэт.
Паляўнічы робіць той памылку,
Ў чыёй стрэльбе халасты зарад.
Выклікáе у людзей ухмылку
Густа распладзіўшыйся наш брат.